ಬೆಂಗಳೂರು, ನ.೨೩ ಶೀಘ್ರದಲ್ಲೇ ನಂದಿನಿ ಹಾಲು ಮಾರಾಟ ದರ ಹೆಚ್ಚಳವಾಗಲಿದೆ.
2 ವರ್ಷಗಳಿಂದ ರೈತರಿಂದ ಹಾಲು ಖರೀದಿ ದರ ಮತ್ತು ಜಿಲ್ಲಾ ಒಕ್ಕೂಟಗಳಿಂದ ಮಾರಾಟ ದರ ಹೆಚ್ಚಳ ಬೇಡಿಕೆ ಬರುತ್ತಿದೆ. ದರ ಪರಿಷ್ಕರಿಸದ ಕಾರಣ ಜಿಲ್ಲಾ ಹಾಲು ಒಕ್ಕೂಟಗಳು ಸ್ವಲ್ಪ ಹಿನ್ನಡೆ ಅನುಭವಿಸುವಂತಾಗಿದೆ. ಈ ಹಿನ್ನೆಲೆಯಲ್ಲಿ ಹಾಲು ಮಾರಾಟ ದರ ಹೆಚ್ಚಳ ಮಾಡುವ ಬಗ್ಗೆ ಗಂಭೀರ ಚಿಂತನೆ ನಡೆದಿದೆ ಎಂದು ಕೆ‌ಎಂಎಫ್ ಅಧ್ಯಕ್ಷ ಸೋಮಶೇಖರ ರೆಡ್ಡಿ ಸೋಮವಾರ ಹೇಳಿದ್ದಾರೆ.
ನೆರೆ ರಾಜ್ಯಗಳಲ್ಲಿ ಲೀಟರ್ ಹಾಲಿಗೆ 20-24 ರು. ಇದೆ. ಆದರೆ, ನಂದಿನಿ ಹಾಲಿನ ದರ ಕೇವಲ 16 ರು. ಆಗಿದೆ. 2 ವರ್ಷಗಳಿಂದ ದರ ಪರಿಷ್ಕರಣೆ ಸಾಧ್ಯವಾಗಿಲ್ಲ. ಈ ಹಿನ್ನೆಲೆಯಲ್ಲಿ ದರ ಪರಿಷ್ಕರಣೆಗೆ ಯೋಜಿಸಲಾಗಿದೆ. ನ.30ರ ಕೆ‌ಎಂಎಫ್ ಆಡಳಿತ ಮಂಡಳಿ ಸಭೆಯಲ್ಲಿ ಅಂತಿಮ ನಿರ್ಧಾರಕ್ಕೆ ಬರಲಾಗುತ್ತದೆ ಎಂದಿದ್ದಾರೆ.
ಸೌಜನ್ಯ: ಕನ್ನಡಪ್ರಭ